السلام عليكم
ف البوست ده هنتكلم ان شاء الله عن إيه الخطوات اللى هتبدأ بيها تتعلم Automation Testing برده من واقع شوية خبره ليس أكتر 
أحنا هنا بنتكلم بشكل Generic مش هنتكلم عن Tool معينة أو Framework أو لغة معينة أو مفضلة لأ الموضوع عام
ف البداية ممكن نتكلم هنا عن نوعين من الناس ف طريقة التعليم ف ناس بتحب الكورسات الأونلاين و تقعد مع نفسها كده و تذاكر و تحاول و ناس بتتعلم أوفلاين يقولك لا أنا المدرب يبقى قدامى لو احتاجت حاجة أسأله أو يبقى هو الحافز بتاعى علشان اذاكر و اكمل الأتنين مفيش فيهم مشكلة اعمل اللى يريحك عايز تحضر كورس عايز تاخد كورس أونلاين اللى يريحك نفسيا و يخليك تبدأ على طول أن شاء الله
طيب نبدأ :
١- هتتعلم لغة برمجة : طيب دى أساسية أيوة مش هنضحك على بعض و نقول البرمجة مش مهمة و الكود مش مهم يبقى متكملش ف الأتوميشن
الكود أهم حاجة و لازم الأساس بتاعك يكون كويس علشان تبنى عليه كويس
طيب أتعلم أى لغة ؟
أى لغة تحبها أو تيجى على بالك أو تعرفها أيام الكلية و عايز تفتكرها متقلقش كل لغة ليها ال tools & framework بتاعتها اتعلم انت بس اللغة و كل شئ سهل بعد كده
طيب هل الخطوة دى أصعب خطوة
أيوة علشان نكون صرحيين و لو عديتها الموضوع اسهل مما تتخيل مجرد شوية concepts بتكلم بعض
و أنت بتتعلم اللغة هتتعلم الأساسيات بس و الحاجات ال core بتاعتها متقولش كمثال انا هتعلم Java و هوصل بقى لمرحلة ف Java إنى هاخد كورس Java enterprise و تفضل تتعلم ف الجافا لحد ما يخترعوا روبوت يعمل التست مكانك 
معلش تعالى على نفسك علشان خاطرى و اتعلم الأسايات بس ف الأول و بعدين و أنت شغال أتوميشن أن شاء الله زود ف معلوماتك زى ما انت عايز
أتعلمنا لغة برمجة تمام نبدأ ف الخطوة التانية هيا Adopt the right tools and framework -٢
ال tool اللى انت شايفه مناسب مع اللغة اللى اتعلمها و شايف انها هتبقى مناسبه للبيزنس و نوع المشروع اللى انت شغال عليه يبقى اختارها
هتبدأ تتعلمها بأى طريقة من اللى قلناهم اللى انت شايفه مريح ليك و added value و تقدر تنجز معاه و زى ما قلنا تانى المحتوى بيحترم عقولنا و مفيد لينا و حديث مش قديم علشان احنا عارفين Software tools بتتطور دايما
هتعمل مشروع صغير و بسيط جدا و تطبقها بيه . أنا مش هتكلم عن tools بتعمل generated code علشان ده مش اتوميشن هو ممكن يبقى بداية تاخد فكرة الكود بيبقى شكله إيه مش مش هبنى عليها شغلى علشان مش Best Practices خالص
٣- زى ما قلنا فى النقطة اللى فاتت ابدأ بسيط و حاجة صغيرة مش مطلوب منك و أنت لسه بتتعلم انك تعمل لنا أتوميشن للويب سايت كله
متحطش نفسك تحت ضغط و كل واحد ليه قدرة و مستوى تعليم و مستوى تحصيل ميعبناش خالص بالعكس لازم اكون عارف نفسى و عارف انى واحدة واحدة هتعلم و هدخل المجال فالموضوع مش سباق ولا أنى أتأخرت و الشغل هيروح منى لا خالص كله بوقته
بناء على خبرتك ف المانويل تستنج هتبدأ تحط list لأهم حاجات عايز تعملها تست أو أوتوميشن ف الشغل عندك تبدأ تحلل و تعمل لنفسك prioritize list و معلومة مهمة أوى مفيش حاجة اسمها طالما اتوميشن يبقى هعمل كل حاجة كده لا مستحيل أنت هتعمل Plan بناء على نوع البيزنس و نوعيه التست عندكم و كل واحد و ليه ال environment ف الشغل بحالاتها مفيش standard . كتابة الكود هو اللى يبقى well structured بس هنعمل أتوميشن لإيه و نسيب إيه ده بناء على ال requirements و اللى انت شايفة مناسيب
أعمل POC Project – Proof of concept و طبق عليه اللغة و ال tool اللى اختارتها لو قدرت تشغل تست واحد اتوميشن انت كده عندى تعرف أتوميشن و الباقى كله أمثلة مختلفة فاللحظة دى افرح بإنجازك و بنفسك متقولش انا لسه قدامى كتير مجرد لما تعرف الدنيا ماشية أزاى صدقنى هتقول الموضوع طلع بسيط أوى
٤- أهم نقطة بالنسبة لى و اللى هتخليك موجود دايما ف المجال و هيا اللى هتخليك تكمل
Keep Practicing , Keep learning
مفيش حاجة اسمها انا اشتغلت و عارف كل حاجة بالعكس كل مرة هتلاقى انك محتاج تعرف اكتر و الموضوع بيبان لك اكتر أنه محتاج مجهود و شغل كمان
لازم تبقى Up to date و ملم بالجديد و اللى اتغير ف ال tool اللى انت اشتغلت بيها علشان ممكن ف وقت تلاقى حاجات مبقتش شغالة أو حاجات طريقتها اتغيرت
أقرأ online articles و أحضر meetups , و تابع events بتاعة التكونولجيا الخاصة بالتنسنج
ف الصورة اللى معانا انا حاولت اعمل mind map لأمثلة على tools , languages و كل حاجة مناسب ليها إيه على قد ا أقدر علشان أحاول ارسم معاك الصورة و انك محتاج تتعلم إيه مع إيه علشان توصل للى أنت عايزه إن شاء الله
Moataz Nabil 